Birillik fasilədən sonra Ankara-Tbilisi aviareysləri bərpa olunub
Tbilisi, 2 oktyabr, AZƏRTAC
Birillik fasilədən sonra Gürcüstan və Türkiyə paytaxtları arasında birbaşa aviareyslər bərpa olunub.
AZƏRTAC xəbər verir ki, Türkiyənin “Ajet” aviaşirkəti artıq Ankaradan Tbilisi beynəlxalq hava limanına ilk 150 sərnişini gətirib.
“TAV Georgia”dan bildirilib ki, Ankara-Tbilisi-Ankara marşrutu üzrə uçuşlar həftədə 4 dəfə, hər bazar ertəsi, çərşənbə axşamı, cümə axşamı “Boeing 737-800” və “Airbus 320/321” təyyarələri ilə həyata keçiriləcək.
Tbilisiyə gələn sərnişinlər arasında “Ajet”in baş direktoru Kerem Sarpi, Türkiyənin Gürcüstandakı səfiri Arçil Kalandia, həmçinin hava limanı və “Ajet” rəhbərləri də olub. Tbilisiyə ilk uçuşdan əvvəl Ankara Esenboğa Beynəlxalq Hava Limanında rəsmi mərasim keçirilib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
