Birləşmiş Ştatlardakı aktiv qazma qurğularının sayı dəyişməyib
Bakı, 20 fevral, AZƏRTAC
ABŞ-dakı aktiv neft-qaz qazma qurğularının sayı dəyişməyib.
AZƏRTAC xəbər verir ki, bu barədə “Baker Hughes” şirkəti məlumat yayıb. Bildirilir ki, ötən hesabat həftəsində ABŞ-dakı aktiv neft və qaz qazma qurğularının sayı 397 olub. Keçən ilin eyni dövrü ilə müqayisədə ölkədəki aktiv qazma qurğularının sayı 393 ədəd geriləyib.
Ötən həftə ABŞ-dakı aktiv neft qazma qurğularının sayı 306 olub və əvvəlki ilin müvafiq dövrünə görə qazma qurğularının sayında 372 ədəd azalma qeydə alınıb.
Aktiv qaz qazma qurğularının sayı 90 olub və keçən ilin eyni dövrünə nisbətən ölkədəki qazma qurğularının sayı 20 ədəd geriləyib. Müxtəlif təyinatlı qazma qurğularının sayı isə 1 ədəd olub.
Qeyd edək ki, ABŞ-da aktiv neft qazma qurğularının sayı 1981-ci ildə ölkə tarixində maksimuma, yəni 4 min 530-a çatıb. Neftin qiymətinin ucuzlaşması fonunda ölkədəki aktiv neft qazma qurğularının sayı 2016-cı ilin mayında isə minimuma - 316-ya düşüb.
Bölmənin digər xəbərləri
