BMT-NİN BİNASI DAĞILMAQ TƏHLÜKƏSİ QARŞISINDADIR
BMT katibliyinin 1949-cu ildə inşa edilmiş 38 mərtəbəli binası indiyədək avtomatik yanğınsöndürmə sistemi ilə təchiz olunmamışdır, boyaq isə ağ ciyər xəstəliyi törədən əlli illik asbest qatını gizlədir. Bundan əlavə, binanın istismarı baha başa gəlir, burada quraşdırılmış avadanlıq isə köhnəlmişdir.
Xidmətçi heyətin fikrincə, BMT-nin ofisini təcili təmir etmək lazımdır. Payızda təmirin smetası təsdiq olunmalıdır. Smetanın məbləği kifayət qədər çox – təqribən 1 milyard 200 milyon dollardır. 189 ölkənin hökumətlərini binanın təmirinə pul ayrılmasına inandırmaq üçün burada “çirkli gəzinti” adlanan xüsusi baxış təşkil olunmuşdur. BMT-də ümidvardılar ki, bu baxış zəruri vəsaiti toplamağa kömək edəcəkdir.
Bölmənin digər xəbərləri
