Böyük Britaniya ilə Fransa arasındakı razılaşma çərçivəsində ilk miqrant geri göndərilib
London, 18 sentyabr, AZƏRTAC
London-Paris razılaşması çərçivəsində ilk miqrant Böyük Britaniyadan Fransaya qaytarılıb.
AZƏRTAC BBC-yə istinadla xəbər verir ki, həmin şəxs bu gün səhər deportasiya olunub və artıq Parisə eniş edib. O, Hindistan vətəndaşıdır və “Air France” aviareysi ilə göndərilib.
Qeyd edək ki, daha əvvəl Eritreyadan olan bir şəxs “müasir qulluqçuluq” əsasında deportasiyasının müvəqqəti dayandırılması ilə bağlı məhkəmə qərarına nail olmuşdu. Bu isə miqrant razılaşması çərçivəsində deportasiya ediləcək şəxslərlə bağlı hüquqi maneələrin yarana biləcəyini göstərmişdi.
London-Paris razılaşması Böyük Britaniya ilə Fransa arasında əldə olunmuş yeni miqrasiya sazişidir. Bu sazişə əsasən, Böyük Britaniyaya qanunsuz yolla daxil olan hər bir miqrant Fransaya geri göndərilir və eyni zamanda, Böyük Britaniya müəyyən kvota əsasında Fransadan miqrant qəbul edir.
Razılaşmanın əsas məqsədi La-Manş boğazından qeyri-qanuni keçidləri azaltmaq və miqrant axınının ədalətli bölüşdürülməsidir.
London
Bölmənin digər xəbərləri
