Britaniya hökumətinin Çinin Londonda yeni meqa səfirlik tikinti planlarını təsdiqləyəcəyi gözlənilir
London, 21 noyabr, AZƏRTAC
Böyük Britaniya hökumətinin Çinin Londonun mərkəzində inşa etməyi planlaşdırdığı yeni meqa səfirlik layihəsinə təsdiq verməsi gözlənilir.
AZƏRTAC “The Times”a istinadla xəbər verir ki, rəsmi qərar hələ açıqlanmasa da, kəşfiyyat qurumlarının nazirlərə təqdim etdiyi məsləhət bu mübahisəli layihənin həyata keçirilməsinə yol açır. Qərar Britaniya–Çin münasibətlərinin nə dərəcədə yaxın olmasının məqsədəuyğunluğu ilə bağlı ictimai müzakirələrin növbəti nümunəsinə çevrilib. Planın təsdiqlənməsi və ya rədd edilməsi Yaşayış və Mənzil Nazirliyinin rəhbəri Stiv Ridin səlahiyyətindədir. Bu qərar yüksək həssaslıq tələb etdiyi üçün MI5 və MI6 da daxil olmaqla bir çox dövlət qurumları ilə məsləhətləşmələr aparılıb.
Tikinti üçün planlaşdırılan Royal Mint Kourt ərazisi Londonun maliyyə mərkəzinə yaxındır və burada böyük həcmdə həssas məlumat daşıyan fiber-optik kabellər mövcuddur. Çinin planlaşdırdığı səfirlik kompleksi 20 min kvadratmetr ərazini əhatə edəcək və bu, onu Avropada ən böyük Çin səfirliyi edəcək.
AZƏRTAC-ın xüsusi müxbiri
London
Bölmənin digər xəbərləri
