Britaniyanın “Press Association” Agentliyinin baş icraçı direktoru EANA-nın yeni prezidenti seçilib
Assambleyanı açan Avstriya Xəbər Agentliyinin baş icraçı direktoru Peter Kropş EANA-nın prezidenti kimi son dəfə çıxış etdiyini, bu tədbirdə alyansa yeni prezidentin seçiləcəyini bildirib. P.Kropş EANA-ya prezidentliyi müddətində ona göstərilən dəstəyə görə qurumun bütün üzvlərinə təşəkkür edib.
EANA-nın baş katibi Erik Naylen prezidentliyə namizədlər - Böyük Britaniyanın “Press Association” Agentliyinin baş icraçı direktoru Klayv Marşal və Kiprın CNA Agentliyinin icraçı direktoru və baş redaktoru Corc Peninteks haqqında qısa məlumat verib.
Səsvermənin nəticələrinə görə Klayv Marşal növbəti iki il müddətinə EANA-nın prezidenti seçilib.
Xorvatiyanın HINA Agentliyinin baş direktoru xanım Branka Qabriela Valentiç növbəti üç il müddətinə təşkilatın büro üzvü seçilib.
Alyansın yaz konfransının Bolqarıstanın paytaxtı Sofiya şəhərində keçirilməsi qərara alınıb.
Baş Assambleyada 2008-ci ildən EANA-nın üzvü olan AZƏRTAC-ı beynəlxalq əməkdaşlıq və müqavilələr şöbəsinin müdiri Orxan Muradov və xarici dillərdə informasiya baş redaksiyasının böyük redaktoru Orxan Kərimov təmsil ediblər.
Bölmənin digər xəbərləri
