BU GÜN ERMƏNİSTAN DİPLOMATİK CƏHƏTDƏN UDUZMUŞ ÖLKƏDİR

24.10.2006 [02:59]
Çap et
A⁺ A^-

AZƏRTAC xəbər verir ki, Azərbaycan Prezidenti İlham Əliyev Qətərin “Əl-Cəzirə” teleyayım korporasiyasına verdiyi müsahibədə İranın Ermənistanla münasibətlərinə toxunmuş, bu məsələlərin ictimai qavrayış, ictimai rəy səviyyəsində Azərbaycanda narahatlıq doğurduğunu söyləmişdir. O demişdir ki, qonşularımızdan təkcə İranın deyil, bəzi başqalarının da Ermənistanla yaxşı münasibətləri var. Bu, Azərbaycan tərəfindən siyasi qərarlar qəbul edilməsinə təsir göstərə biləcək amil olmamalıdır. Əksinə, çalışmalıyıq ki, Ermənistanın yaxşı münasibətləri olan ölkələrlə bizim ondan da yaxşı münasibətlərimiz olsun. Biz buna çalışırıq və belə də edirik.

Bu gün Ermənistanı diplomatik baxımdan uduzmuş ölkə hesab edən İlham Əliyev bildirmişdir ki, onların özlərinə yaxın müttəfiq saydığı ölkələr bu gün Azərbaycanın da yaxın müttəfiqidir. Bu ölkələr üçün mühümlüyü baxımından, Azərbaycan Ermənistandan daha mühümdür. Ermənistan bir ölkə kimi heç bir maraq kəsb edə bilməz, çünki o, bir tərəfdən coğrafi dalandır, digər tərəfdən isə, biz boru kəmərimizi kənardan çəkməklə onu energetika baxımından dalana çevirmişik. Biz Qars-Tbilisi-Bakı dəmir yolunu çəkməklə onu nəqliyyat baxımından da dalana çevirəcəyik.

Azərbaycan Avropaya və dünya bazarlarına enerji ehtiyatları göndərəcək bir ölkədir. Bu, Şərq-Qərb dəhlizinin keçdiyi ölkədir. Tərəzinin bir gözündə Azərbaycanı, o biri gözündə isə Ermənistanı təsəvvür edin. Müqayisəolunmaz çəkilərdir.

BU GÜN ERMƏNİSTAN DİPLOMATİK CƏHƏTDƏN UDUZMUŞ ÖLKƏDİR

MÜƏLLİFLƏ ƏLAQƏ

Bölmənin digər xəbərləri