Bu gün UEFA Çempionlar Liqasının ikinci finalçısı müəyyənləşəcək
Bakı, 4 may, Nicat Məmmədov, AZƏRTAC
Bu gün futbol üzrə UEFA Çempionlar Liqasının 2021-2022-ci il mövsümünün ikinci yarımfinal görüşü keçiriləcək.
AZƏRTAC xəbər verir ki, mərhələnin ikinci oyun günündə İspaniyanın “Real Madrid” klubu öz meydanında İngiltərənin “Mançester Siti” komandasını qəbul edəcək.
“Santyaqo Bernabeu” stadionunda keçiriləcək matçı italiyalı baş hakim Daniele Orsato idarə edəcək.
“Kral klubu”nda Eden Azar zədə səbəbindən oyunda iştirak etməyəcək. Qonaq komandadan isə Con Stounz zədəli olduğu üçün oynamayacaq.
Komandalar arasında Mançesterdə keçirilmiş ilk oyunda İngiltərə komandası 4:3 hesabı ilə qələbə qazanıb. Bu cütün qalibi finalda ötən gün İspaniyanın “Vilyarreal” komandasını məğlub edən (3:2, 2:0) İngiltərənin “Liverpul” klubu ilə qarşılaşacaq.
Bölmənin digər xəbərləri
