Cari ildə Dünya Su Ehtiyatları Gününün mövzusu “Su və ərzaq təhlükəsizliyi”dir
Bakı, 22 mart (AZƏRTAC). Hər il martın 22-si Dünya Su Ehtiyatları Günü kimi qeyd edilir. Bu il “Su və ərzaq təhlükəsizliyi” mövzusuna həsr edilmiş Dünya Su Ehtiyatları Gününün əlaqələndiricisi BMT-nin Dünya Ərzaq Təşkilatıdır (FAO).
Sözügedən mövzu bu il keçirilən üç iri beynəlxalq tədbirin - Dünya Su Forumunun, Dünya Su Ehtiyatları Gününün və Dünya Su Həftəsinin gündəliyinin prioritet mövzusudur. Həmin tədbirlər çərçivəsində su təchizatı ilə ərzaq məhsulları istehsalı arasında qarşılıqlı əlaqə, habelə artmaqda olan əhalinin şirin su ehtiyatları imkanları daxilində qidalandırılması məsələləri müzakirə ediləcəkdir.
Hazırda planetmizdə 7 milyard adam yemək istəyir. 2050-ci ilədək onlara daha 2 milyard adam qoşulacaqdır. Statistikaya görə, hər birimiz gündə 2-4 litr su içir, lakin suyun böyük bir qismi orqanizmimizə yediyimiz qida ilə daxil olur. Məsələn, bir kiloqram mal ətinin istehsalı üçün 15 min litr su tələb olunur, 1 kiloqram buğda isə 1500 litrədək su “içir”.
Bölmənin digər xəbərləri
