Çexiya səfirliyi BSU-da silsilə mühazirələr təşkil edib
Bakı,17 fevral, AZƏRTAC
Fevralın 17-də Çex Respublikasının Azərbaycandakı səfirliyinin təşəbbüsü ilə Bakı Slavyan Universitetinin (BSU) çexiyaşünaslıq ixtisası üzrə təhsil alan tələbələrinə silsilə mühazirələr və çex dilindən praktik dərslər təşkil edilib.
BSU-dan AZƏRTAC-a bildiriblər ki, bir semestr ərzində səfirliyin əməkdaşları tərəfindən aparılacaq mühazirələr Çexiyanın tarixi, ölkənin siyasi əlaqələri, iqtisadiyyatı, çex xalqının qədim kökləri, adət-ənənləri, mədəniyyəti kimi mövzuları əhatə edəcək.
İlk mühazirəni Çexiyanın Azərbaycandakı səfiri Vitezslav Pivonka oxuyub. Səfir Çexiyanın XV-XVII əsrlərdəki ictimai-siyasi vəziyyəti ilə XX əsrdə cərəyan edən prosesləri müqayisə və təhlil edib, ölkəsinin dünya ölkələri ilə münasibətlərindən söz açıb.
Sonra mövzu ətrafında disskusiyalar aparılıb, tələbələrin sualları cavablandırılıb.
Bölmənin digər xəbərləri
