Çexiyada iki qatar toqquşub, 40-dan çox insan xəsarət alıb
Bakı, 20 noyabr, AZƏRTAC
Noyabrın 20-də Çexiyanın cənubunda Zliv-Divçice dəmir yolu xəttində ekspress qatar sərnişin qatarı ilə toqquşub.
AZƏRTAC xəbər verir ki, “Rzeczpospolita” qəzetinin məlumatına görə, hadisə yerli vaxtla səhər saat 6:19-da Zliv stansiyasının yaxınlığında, Pilsen istiqamətində baş verib. Qəza nəticəsində 40-dan çox insanın xəsarət aldığı, onlardan ikisinin vəziyyətinin ağır olduğu bildirilir.
Hazırda Fövqəladə Hallar Xidmətinin əməkdaşları hadisə yerində işləyir. Qəzanın səbəbi hələlik açıqlanmayıb.
Bölmənin digər xəbərləri
