İQTİSADİYYAT
Çexiyanın enerji nümayəndələri təcrübələrini AERA-nın mütəxəssisləri ilə bölüşüblər
![Çexiyanın enerji nümayəndələri təcrübələrini AERA-nın mütəxəssisləri ilə bölüşüblər](/files/2023/3/1200x630/16957362613585713200_1200x630.jpg)
Bakı, 26 sentyabr, AZƏRTAC
Azərbaycanın enerji tənzimləyici qurumu beynəlxalq təcrübənin öyrənilməsi istiqamətində görüşlərini davam etdirir.
Agentlikdən AZƏRTAC-a bildiriblər ki, Azərbaycanın Enerji Məsələlərini Tənzimləmə Agentliyi (AERA) enerji məsələlərini tənzimləmə sahəsində beynəlxalq təcrübənin öyrənilməsi məqsədilə Çexiyanın Enerji Tənzimləmə Qurumunun (ERO) nümayəndələri ilə növbəti görüşünü keçirib.
Görüşdə ERO-nun nümayəndələri bərpa olunan enerji mənbələri üçün mövcud tarif mexanizmləri, elektrik enerjisinin idxalı və ixracı, həmçinin elektrik enerjisinin saxlanması və tənzimləmə mexanizmləri ilə bağlı təcrübələrini AERA-nın mütəxəssisləri ilə bölüşüblər.