ÇİN İRAQDA ÖZ VƏTƏNDAŞLARININ OĞURLANMASINDAN NARAHATDIR
Pekindən alınan xəbərdə deyilir ki, Çin rəhbərliyi ölkə vətəndaşlarının oğurlanmasından narahat olduğunu bildirmiş və Xarici İşlər Nazirliyindən, Bağdaddakı səfirlikdən girovların buraxılması üçün var qüvvə ilə səy göstərməyi tələb etmişdir.
ÇXR-in Bağdaddakı səfirliyinin bərpası ilə məşğul olan Çin diplomatları və mütəxəssisləri qrupunun rəhbəri Sun Biqan İraq paytaxtında təcili müşavirə keçirmişdir. Müşavirədə girovların azad edilməsi ilə məşğul olacaq xüsusi komanda yaradılmışdır.
Çin tərəfi girovların yerini müəyyənləşdirmək və ÇXR vətəndaşlarının həyatını təhlükəyə məruz qoymadan onları azad etmək xahişi ilə İraq keçid hökumətinin daxili işlər nazirinə müraciət etmişdir.
Çinin Xarici İşlər Nazirliyi ölkə vətəndaşlarına İraqa getməməyi tövsiyə etmiş və orada olan həmvətənləri isə ayıq-sayıq olmağa və Bağdaddakı ÇXR diplomatları ilə daim əlaqə saxlamağa çağırmışdır.
Bölmənin digər xəbərləri
