Çin metan və maye oksigenlə işləyən üçüncü raketini buraxıb
Bakı, 10 dekabr, AZƏRTAC
Dünyanın ilk oksigen-metan mühərriki ilə işləyən Çinin "Zhuque 2 Y-3" raketi üç peyki uğurla orbitə çıxarıb.
AZƏRTAC xəbər verir ki, bu barədə özəl inkişaf şirkəti “LandSpace” saytında məlumat yayıb.
Kosmosa buraxılış Bakı vaxtı ilə saat 03:39-da Ciuquan kosmodromundan baş tutub. Raket orbitə üç peyk çıxarıb - “HongHu”, “TianYi-33” və “HongHu-2”.
Bu buraxılış maye oksigen və metan qarışığı üzərində işləyən “Zhuque 2” raketi üçün üçüncü idi. Tərtibatçılar onun orbitə dörd tona qədər müxtəlif yük çıxara biləcəyini qeyd edirlər.
Bölmənin digər xəbərləri
