Çin Yerin müşahidəsi üçün orbitə bir neçə peyk çıxarıb
Pekin, 27 oktyabr, AZƏRTAC
Çin Yerin məsafədən yüksək görüntü ilə zondlanması üzrə orbitə eyni vaxtda bir neçə peyk çıxarıb.
AZƏRTAC xəbər verir ki, peykləri orbitə çıxaran "Böyük yürüş-2C" (Long March-2C) raketinin buraxılışı Siçuan vilayətindəki Siçanq buraxılış məntəqəsindən oktyabrın 26-da gecə saat 23:19-da baş tutub. "Yaogan-30" ailəsindən olan peyklər planlaşdırılan orbitə çatıblar. Bu peyklər elektromaqnit mühitinin müəyyən olunması və müvafiq tədqiqatların aparılması üçün istifadə olunacaq.
Çin raket müşahidə peyklərindən başqa, məlumatların ötürülməsi üçün nəzərdə tutulan "Tiançi-6" peykini də orbitə çıxarıb.
Qeyd edək ki, bu, "Long March" seriyasından 350-ci raket buraxılışı olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
