Çində təqaüd proqramı ilə bağlı vebinar təşkil olunacaq
Bakı, 24 dekabr, AZƏRTAC
Dekabrın 25-i saat 17:00-da 2021-2022-ci tədris ilində Hökumətlərarası Təqaüd Proqramı çərçivəsində Çində təqaüd proqramı barədə vebinar təşkil ediləcək.
Bu barədə AZƏRTAC-a Təhsil Nazirliyindən məlumat verilib. Vebinar Təhsil Nazirliyinin rəsmi “Facebook” səhifəsində canlı yayımlanacaq.
Xatırladaq ki, Çin Xalq Respublikasının 2021-2022-ci tədris ili üçün elan etdiyi təqaüd proqramına sənəd qəbulu gələn il yanvarın 6-dək aparılacaq. Tələbələrin təqaüd proqramına qəbulu ilə bağlı yekun qərarın 2021-ci ilin iyul ayı ərzində təqdim olunması gözlənilir.
Təqaüd proqramı çərçivəsində təhsilə dair əlavə məlumatIarla elan vasitəsilə tanış olmaq mümkündür.
Qeyd edək ki, təqaüd proqramı “Azərbaycan Respublikasının Təhsil Nazirliyi ilə Çin Xalq Respublikasının Təhsil Nazirliyi arasında təhsil sahəsində əməkdaşlıq haqqında Saziş”ə əsasən həyata keçirilir. Proqram hər iki ölkənin vətəndaşlarına tələbə mübadiləsi əsasında qarşı ölkənin ali məktəblərində müəyyən edilmiş ixtisaslar üzrə təhsil almaq imkanı yaradır.
Bölmənin digər xəbərləri
