Çinin turizm şirkətləri nümayəndələrinin Azərbaycan turoperatorları ilə görüşü təşkil olunub
Bakı, 8 iyul, AZƏRTAC
Azərbaycan Turizm Bürosunun təşkilatçılığı ilə Çin Xalq Respublikasından olan aparıcı turizm şirkətlərinin nümayəndələrinin yerli turoperatorlarla tanışlıq görüşü keçirilib.
AZƏRTAC xəbər verir ki, görüşün əsas məqsədi iki ölkənin turizm nümayəndələrini bir araya gətirərək qarşılıqlı təcrübə mübadiləsinin aparılmasına və əməkdaşlıq perspektivlərinin nəzərdən keçirilməsinə şərait yaratmaqdır.
“B2B” formatlı tanışlıq görüşündə Azərbaycanın 40-dan çox turoperatoru iştirak edib.
Çinli turoperatorlarla tərəfdaşlıq məqsədilə ikitərəfli əlaqələr, əməkdaşlıq imkanları müzakirə olunub, onlara Azərbaycan və onun turizm imkanları barədə geniş məlumat verilib.
Bölmənin digər xəbərləri
