Çinin valyuta ehtiyatları 2,3 milyard dollar artıb
Pekin, 7 mart, AZƏRTAC
Çinin xarici valyuta ehtiyatları ardıcıl 4-cü aydır ki, çoxalmaqda davam edir. Fevralda ehtiyatlar əvvəlki ayla müqayisədə 0,2 faiz (2,3 milyard ABŞ dolları) artaraq, 3,0902 trilyon dollara çatıb.
AZƏRTAC Çin Mərkəzi Bankına istinadla xəbər verir ki, fevralda ölkənin qızıl ehtiyatı da əvvəlki ayla müqayisədə çoxalaraq, 60,26 milyon unsiyaya çatıb. Bu, təxminən 79,5 milyard dollara bərabərdir.
Qeyd edək ki, Çin dünyada ən çox xarici valyuta ehtiyatına sahib ölkədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
