CON TOŞAK: AZƏRBAYCAN YIĞMASI İLƏ OYUN ÇOX ÇƏTİN OLACAQ
Bakı, 5 iyun (AZƏRTAC). Uels yığma futbol komandasının baş məşqçisi Con Toşak Azərbaycan yığması ilə oyun ərəfəsində mətbuat konfransı keçirmişdir.
Komandasının heyətində çoxlu itkilərin olduğunu bildirən mütəxəssis, Azərbaycan yığması ilə oyunun çətin keçəcəyini söyləmişdir. O demişdir ki, oyuna ciddi hazılaşmışıq. Yetirmələrimdə həyəcan olsa da, biz meydana yalnız qələbə üçün çıxacağıq. Bununla belə, Azərbaycan yığması futbolçuları yoxlamaq üçün əla rəqibdir.
Azərbaycan yığmasının son oyunlarına münasibət bildirən mütəxəssis Türkiyə komandası ilə görüşdə Rəşad Sadıqovun meydandan qovulmasının oyunun nəticəsinə təsir etdiyini söyləmişdir.
Xatırladaq ki, dünya çempionatının qrup seçmə mərhələsi çərçivəsində Azərbaycan və Uels yığma futbol komandaları arasında oyun iyunun 6-da Tofiq Bəhramov adına Respublika stadionunda keçiriləcəkdir.
Bölmənin digər xəbərləri
