COVID-19: Lüksemburqda koronavirus xəstələrinin sayı artır
Lüksemburq, 17 sentyabr, AZƏRTAC
Lüksemburq Böyük Hersoqluğunda SARS-CoV-2 virusuna yoluxanların sayı artır.
AZƏRTAC Lüksemburq Səhiyyə Nazirliyinin məlumatına istinad edərək xəbər verir ki, epidemiya başlayandan ölkədə 8 821 koronavirus xəstəsi qeydə alınıb.
Ölkədə koronavirus infeksiyasından 124 ölüm faktının 67-si cari ilin aprel ayında qeydə alınıb. Xəstəxanalarda 22 koronavirus xəstəsi olduğu bildirilir.
Ölkədə son sutka ərzində 10 143 (PCR) testi aparılıb və bu test kampaniyası çərçivəsində 1 118 asimptomatik koronavirus xəstəsi aşkarlanıb.
Xatırladaq ki, Lüksemburq Böyük Hersoqluğu 2019-cu il 1 yanvar statistikasına əsasən ölkə əhalisinin sayı 613 894-dür. Ölkə əhalisinin 47 faizinin Lüksemburq vətəndaşlığı yoxdur.
Şəhla Ağalarova
AZƏRTAC-ın xüsusi müxbiri
Lüksemburq
Bölmənin digər xəbərləri
