“Crocus City Hall”da törədilən terror aktı qurbanlarının 84-nün cəsədi tanınıb
Moskva, 27 mart, AZƏRTAC
“Crocus City Hall”da terror aktı nəticəsində 84 nəfərin cəsədinin kimliyi müəyyən olunub.
AZƏRTAC xəbər verir ki, bu barədə Rusiya Federasiyasının (RF) İstintaq Komitəsi məlumat yayıb.
“Hazırda ölənlərin 84-nün, o cümlədən yaşı 9-16 olan beş nəfərin meyitinin kimliyi müəyyənləşdirilib. Faciənin digər qurbanlarının şəxsiyyətlərini müəyyənləşdirmək üçün molekulyar-genetik müayinələr aparılır”, - deyə məlumatda bildirilir.
İndiyədək İstintaq Komitəsinə terror aktı nəticəsində doğmalarının və ya yaxınlarının itkin düşməsi ilə bağlı zərərçəkənlərdən 143 ərizə daxil olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
