DAĞ ÇAYLARINDA SU KƏSKİN AZALMAĞA BAŞLAMIŞDIR, VƏZİYYƏT SABİTLƏŞMƏYƏ DOĞRU GEDİR
Bakı, 13 iyun (AZƏRTAC). “Hazırda dağ çaylarında su kəskin azalmağa başlamışdır. Vəziyyət sabitləşməyə doğru gedir. Dövlətimizin başçısının sərəncamına uyğun olaraq, birinci növbədə yaranmış fəsadlar aradan qaldırılır”.
Bu sözləri jurnalistlərə açıqlamasında ekologiya və təbii sərvətlər naziri Hüseyn Bağırov demişdir.
Nazir bildirmişdir ki, Kür çayının daşması nəticəsində yaranan fəsadların aradan qaldırılması üçün bütün sahələr üzrə yaradılan alt komitələr fəaliyyətlərini davam etdirirlər. Onun sözlərinə görə, fəlakət nəticəsində dəymiş ziyan hesablanır. H.Bağırov bildirmişdir ki, nazirliyin qarşısında gələcəkdə Azərbaycanda suların səmərəli idarə olunması ilə bağlı vəzifə qoyulmuşdur və onun təmin olunması üçün Ekologiya və Təbii Sərvətlər Nazirliyi ciddi çalışır: “Bu sahədə kompleks tədbirlər həyata keçirilməlidir. Bunların içərisində çaylara bəndlərin vurulması, xaricdə formalaşan suların miqdarı və keyfiyyəti ilə bağlı vəziyyətin təhlil olunması, gözlənilən fəsadların aradan qaldırılması və digər məsələlərlə bağlı işlərin görülməsi nəzərdə tutulur”.
Bölmənin digər xəbərləri
