DAHA BİR İDMAN OBYEKTİ GƏNCLƏRİN İSTİFADƏSİNƏ VERİLMİŞDİR
Bakı, 2 iyun (AZƏRTAC). Bakı ətrafında daha bir idman obyekti gənclərin istifadəsinə verilmişdir. Pirşağada müasir idman avadanlığı ilə təchiz edilmiş güləş zalı ölkə rəhbərliyinin idmanın inkişafına və gənclər arasında sağlam həyat tərzinin təbliğinə daim diqqət yetirməsinin daha bir nümunəsidir.
Gənclər və İdman Nazirliyinin nümayəndələri, Milli Məclisin deputatları, Sabunçu rayonunun rəhbərliyi, idmançılar, yaxınlıqdakı kənd və qəsəbələrin ağsaqqalları Bakı kəndlərinin sakinlərinə daim qayğıya görə ölkə rəhbərliyinə təşəkkürlərini bildirmişlər.
Bakı kəndlərinin sosial-iqtisadi inkişafına dair Dövlət Proqramı çərçivəsində 18 aya tikilən “Pirşağa-Kürdəxanı” idman zalı güləş zalı, həkim kabineti, duş kabinələri, soyunub-geyinmə otağından ibarətdir.
######
 |
 |
Bölmənin digər xəbərləri
