Daşkənddə MDB Maliyyə-Bank Şurası nümayəndələrinin görüşü keçirilib
Daşkənd, 18 fevral, АZƏRTAC
Özbəkistan Mərkəzi Bankında Müstəqil Dövlətlər Birliyi (MDB) Maliyyə-Bank Şurası nümayəndələrinin görüşü keçirilib.
AZƏRTAC Özbəkistan Mərkəzi Bankının mətbuat xidmətinə istinadla xəbər verir ki, bütün MDB ölkələri nümayəndələrinin iştirak etdiyi görüşdə bu ilin iyununda Daşkənddə MDB Beynəlxalq Maliyyə-Bank Forumunun keçirilməsi məsələsi müzakirə edilib.
Tədbirdə bildirilib ki, hazırda MDB Maliyyə-Bank Şurası Birlik məkanında inteqrasiya proseslərinin gücləndirilməsi məqsədilə maliyyə və sosial xarakterli bir sıra strateji proqramlar həyata keçirir.
Tərəflər, həmçinin MDB ölkələrinin maliyyə institutları arasında əlaqələrin dərinləşdirilməsi imkanlarını, foruma hazırlıq məsələlərini müzakirə ediblər.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
