“Davamlı inkişaf üçün mənəvi turizm” mövzusunda beynəlxalq konfrans keçiriləcəkdir
Bakı, 6 noyabr (AZƏRTAC). Noyabrın 21-22-də Dünya Turizm Təşkilatı (DTT) tərəfindən Vyetnamın Ninbin şəhərində “Davamlı inkişaf üçün mənəvi turizm” mövzusunda beynəlxalq konfrans keçiriləcəkdir.
AZƏRTAC DTT-nin rəsmi saytına istinadla xəbər verir ki, ilk dəfə təşkil edilən beynəlxalq konfransda turizm kontekstində mənəvi, dini, mədəni dəyərlərin qorunması, inkişaf, idarəetmə, mənəvi turizm məhsullarının şərhi, həssas qrupların, xüsusilə də sosial-iqtisadi həmrəylik və yerli icmaların imkanlarının genişləndirilməsi məsələlərinə xüsusi diqqət yetiriləcəkdir.
Bölmənin digər xəbərləri
