Diasporla İş üzrə Dövlət Komitəsinin dəstəyi ilə yeni layihə hazırlanır
Bakı, 7 iyun (AZƏRTAC). Nizami Gəncəvi Beynəlxalq Mərkəzi Diasporla İş üzrə Dövlət Komitəsinin dəstəyi və Latviyanın sabiq Prezidenti Vaira Vike-Freiberga, Finlandiyanın sabiq Prezidenti Tarja Halonen, Yunanıstanın sabiq xarici işlər naziri Dora Bakoyannisin iştirakı və rəhbərliyi ilə Cənubi Qafqaz regionundakı münaqişələrlə bağlı müzakirələrin aparılması üçün silsilə tədbirlər layihəsi hazırlayır.
Diasporla İş üzrə Dövlət Komitəsindən AZƏRTAC-a bildirmişlər ki, bununla bağlı Nizami Gəncəvi Beynəlxalq Mərkəzinin nümayəndəsi Rövşən Muradov Yunanıstana səfəri çərçivəsində Yunanıstanın sabiq xarici işlər naziri, ölkə parlamentinin deputatı Dora Bakoyannis ilə görüş keçirmişdir.
Görüşdə Cənubi Qafqazdakı münaqişələr, o cümlədən Dağlıq Qarabağ problemi müzakirə olunmuşdur.
Dora Bakoyannis bu baxımdan mayın 6-dan 8-dək Bakıda keçirilmiş Cənubi Qafqaz Forumu çərçivəsində aparılan danışıqların əhəmiyyətin xüsusi vurğulamışdır. Dora Bakoyannis dünya ictimaiyyətinin Cənubi Qafqaz regionunun inkişafına böyük mənfi təsir göstərən Dağlıq Qarabağ münaqişəsinin həlli istiqamətində daha səmərəli fəaliyyət göstərməli olduğunu vurğulamışdır.
Bölmənin digər xəbərləri
