“DİASPORUN SƏSİ” JURNALININ TƏQDİMATI KEÇİRİLMİŞDİR
Bakı, 18 dekabr (AZƏRTAC). Beynəlxalq Diaspor Mərkəzi (BDM) 31 dekabr - Dünya Azərbaycanlılarının həmrəyliyi günü münasibətilə bayram tədbiri və Mərkəzin təsisçiliyi ilə yenicə işıq üzü görmüş “Diasporun səsi” jurnalının təqdimatını keçirmişdir.
BDM sədrinin müavini, “Diasporun səsi” jurnalının baş redaktoru, professor Vaqif Arzumanlı Dünya Azərbaycanlılarının həmrəyliyi gününün tarixi və “Diasporun səsi ”jurnalının nəşri məqsədləri barədə danışmışdır.
Mərkəzin sədri İsmayıl Ağayev BDM-nin 2009-cu il ərzində gördüyü işlər haqqında məlumat vermişdir.
Tədbirdə Prezident Administrasiyasının sektor müdiri Qafar Əliyev, Milli Məclisin deputatları Gülər Əhmədova, Sabir Rüstəmxanlı, AMEA-nın müxbür üzvü, professor Vəli Əliyev və başqalarının çıxışlarında “Diasporun səsi” jurnalının Azərbaycan diasporunun fəaliyyətinin işıqlandırılmasına töhfə verəcəyinə əminlik bildirilmişdir.
Tədbirdə bir sıra şəxslərə mərkəzin fəxri diplomları təqdim edilmişdir.
Bölmənin digər xəbərləri
