Dmitri Peskov: Rusiya Ukraynaya dair ABŞ-dan yeni təkliflər almayıb
Moskva, 21 noyabr, AZƏRTAC
Rusiya Prezidentinin mətbuat katibi Dmitri Peskov bildirib ki, Rusiya Ukrayna nizamlanması ilə bağlı ABŞ-dan rəsmi olaraq heç bir yeni təklif almayıb.
AZƏRTAC xəbər verir ki, Peskov Rusiya tərəfinin Ankoricdə danışıqlar zamanı müzakirə olunan razılaşmalara riayət etməyə davam etdiyini bildirib. O əlavə edib ki, Moskva mümkün dəyişikliklərdən və razılaşdırılmış ifadələrdən xəbərdardır, lakin ABŞ tərəfindən heç bir rəsmi sənəd göndərilməyib.
Mətbuat katibi daha sonra qeyd edib ki, Amerika tərəfi ilə əlaqələr davam edir və onlar dayandırılmayıb, amma buna rəğmən media vasitəsilə müəyyən detallar məlum olur.
Kremlin sözçüsü vurğulayıb ki, Moskva Rusiya və ABŞ prezidentləri Vladimir Putin və Donald Tramp arasında Ankoriçdə keçirilən görüş zamanı baş tutan müzakirələr platformasında Ukrayna məsələsini müzakirə etməyə yenə də açıqdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
