DMX Azərbaycanda müvəqqəti olma müddəti uzadılmış əcnəbilərə və vətəndaşlığı olmayan şəxslərə müraciət edib
Bakı, 1 iyul, AZƏRTAC
2020-ci ilin martın 24-dən Azərbaycan Respublikasının ərazisində olan və COVİD-19 pandemiyası ilə əlaqədar ölkəni tərk edə bilmədiyi üçün Dövlət Miqrasiya Xidməti tərəfindən müvəqqəti olma müddəti uzadılan və ölkədə olmaları qanuni hesab edilən əcnəbilər və vətəndaşlığı olmayan şəxslər 2025-ci ilin iyulun 31-dək Azərbaycan Respublikasının Miqrasiya Məcəlləsinin 45-ci maddəsində göstərilən əsaslardan biri olduğu təqdirdə, müvəqqəti yaşama icazəsinin alınması üçün Dövlət Miqrasiya Xidmətinə (DMX) müraciət etməli və ya ölkə ərazisini tərk etməlidirlər.
AZƏRTAC xəbər verir ki, bu barədə DMX-nin mətbuat xidməti məlumat yayıb.
Bildirilib ki, Azərbaycanda müvəqqəti olma müddəti uzadılmış əcnəbilər və vətəndaşlığı olmayan şəxslər ətraflı məlumat üçün DMX-nin (012) 919 Çağrı Mərkəzinə, rəsmi sosial şəbəkə hesablarına (Feysbuk, İnstaqram) və ya İctimaiyyətlə əlaqələr idarəsinə [email protected] elektron poçt ünvanı vasitəsilə müraciət edə bilərlər.
Bölmənin digər xəbərləri
