Dnepr şəhəri dronlarla vurulub, 14 nəfər yaralanıb
Kiyev, 23 noyabr, AZƏRTAC
Noyabrın 23-nə keçən gecə Rusiya ordusu Dnepr şəhərinə dronlarla hücum edib. Hava hücumu nəticəsində 11 yaşlı uşaq da daxil olmaqla, 14 nəfər yaralanıb.
AZƏRTAC xəbər verir ki, bu barədə Dnepropetrovsk vilayət dövlət administrasiyasının rəhbəri Vladislav Qayvanenko teleqram səhifəsində bildirib.
Bundan əlavə, hava hücumu nəticəsində doqquz mərtəbəli binanın eyvanları və fərdi evin bir hissəsi yanıb. Altı avtomobilə də ziyan dəyib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
