DÖVLƏT BAYTARLIQ XİDMƏTİNDƏ FRANSIZ MÜTƏXƏSSİSLƏRLƏ GÖRÜŞ
Xidmətin mətbuat mərkəzindən AZƏRTAC-a bildirmişlər ki, İsmayıl Həsənov ölkəmizin sürətli iqtisadi inkişafı, baytarlıq xidmətində aparılan islahatlar, sahənin təkmilləşdirilməsinə yönəlmiş qanunvericilik aktları, yardım proqramlarının icrası haqqında ətraflı məlumat vermişdir.
Qonaqlar ölkəmizdə aparılan aqrar islahata böyük maraq göstərdiklərini vurğulamış, kənd təsərrüfatı, xüsusilə baytarlıq xidməti sahəsində əməkdaşlıq perspektivləri, regional laboratoriyalara dair proqramın ikinci mərhələsinin tətbiqi və digər məsələlər müzakirə olunmuşdur.
Fransız qonaqlar həmin gün Respublika Baytarlıq Laboratoriyasının kollektivi ilə də görüşmüşlər. Onlar Dəvəçi və Sabirabad rayonlarında da olacaq, yerli mütəxəssislərlə birlikdə heyvanlardan seroloji qan alınması və laboratoriyada müayinə olunması prosesində iştirak edəcəklər.
Bölmənin digər xəbərləri
