Dövlət İdarəçilik Akademiyasında “Erməni terrorizmi: tarix və müasirlik” mövzusunda konfrans keçirilmişdir
Bakı, 29 mart (AZƏRTAC). Martın 29-da Azərbaycan Respublikasının Prezidenti yanında Dövlət İdarəçilik Akademiyasında (DİA) 31 mart - Azərbaycanlıların soyqırımı günü ilə bağlı “Erməni terrorizmi: tarix və müasirlik” mövzusunda elmi-praktik konfrans keçirilmişdir.
Əvvəlcə mövzu ilə bağlı film nümayiş etdirilmişdir.
Dövlət İdarəçilik Akademiyasından AZƏRTAC-a bildirmişlər ki, tədbirdə DİA-nın rektoru, akademik Urxan Ələkbərov mənfur ermənilər tərəfindən xalqımıza qarşı həyata keçirilən soyqırımı siyasətinin iki yüz ilə yaxın tarixinin olduğunu diqqətə çatdırmışdır. Rektor bildirmişdir ki, düşmən “Böyük Ermənistan” yaratmaq xülyası ilə soyqırımı, işğalçılıq siyasətini bu gün də davam etdirir.
Məkirli ermənilərin torpaqlarımızda törətdikləri qanlı faciələrdən danışan akademik U.Ələkbərov bu faciələrin heç zaman yaddan çıxmayacağını söyləmişdir.
Diqqətə çatdırılmışdır ki, daşnaklar 1918-ci il martın 31-də xalqımıza qarşı soyqırımı həyata keçirərək minlərlə günahsız azərbaycanlını qətlə yetirmişlər.
Rektor ulu öndər Heydər Əliyevin təşəbbüsü ilə 31 mart hadisələrinə siyasi qiymət verildiyini vurğulamışdır.
Erməni terrorizminin bütün bəşəriyyət üçün təhlükəli olduğunu diqqətə çatdıran akademik U.Ələkbərov düşmənin 1992-ci il fevralın 25-dən 26-na keçən gecə Xocalıda həyata keçirdiyi dəhşətli soyqırımı hadisələrini xatırlatmışdır.
Rektor ermənilər tərəfindən işğal olunmuş torpaqlarımızın Azərbaycan Prezidenti İlham Əliyevin apardığı siyasət nəticəsində tezliklə azad ediləcəyinə inamını vurğulamışdır.
DİA-nın tarix kafedrasının müdiri, dosent Firdovsiyyə Əhmədova, türkiyəli alimlər - Türk Tarix Qurumunun Erməni Araşdırmaları Mərkəzinin müdiri, professor İbrahim Ethem Atnur, Ankara Altun Koza Universitetinin professoru Kamal Çiçək, Samsun 19 Mayıs Universitetinin professoru Dursun Ali Akbulut və digər çıxış edənlər də qəsbkar ermənilərin törətdikləri vəhşiliklərdən, qanlı hadisələrdən danışmışlar.
Bölmənin digər xəbərləri
