Dövlət İmtahan Mərkəzində növbəti TOEFL IBT imtahanı təşkil olunacaq
Bakı, 2 mart, AZƏRTAC
Dövlət İmtahan Mərkəzində (DİM) növbəti TOEFL IBT imtahanı keçiriləcək.
TOEFL IBT imtahanı martın 3-də DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında təşkil olunacaq.
DİM-dən AZƏRTAC-a bildirilib ki, imtahan saat 09:00-da başlanacaq. İmtahanda iştirak edən şəxslər saat 08:15-dək imtahan binasında olmalıdırlar.
Xatırladaq ki, TOEFL IBT imtahanı ali təhsil səviyyəsində ingilis dili üzrə bacarıqları istifadə etmək, oxuyub anlamaq və s. meyarları ölçmək üçün vasitədir. Bu imtahan vasitəsilə oxumaq, yazmaq, dinləmək və danışmaq üzrə bacarıqları tətbiqetmə dərəcəsi müəyyən edilir.
TOEFL® imtahanı haqqında ümumi məlumat almaq və qeydiyyatdan keçmək üçün http://dim.gov.az/activities/exams/toefl/ linkinə daxil olmaq lazımdər.
Bölmənin digər xəbərləri
