Dövlət Statistika Komitəsinin kollegiyasının tərkibində dəyişiklik edilir
Bakı, 27 may, AZƏRTAC
Dövlət Statistika Komitəsinin tərkibində dəyişiklik edilir.
AZƏRTAC xəbər verir ki, Baş nazir Əli Əsədov bununla bağlı Qərar imzalayıb.
Qərara əsasən Dövlət Statistika Komitəsinin kollegiya üzvlərinin sayı 11 nəfər müəyyənləşdirilir.
Kollegiyanın sədri Dövlət Statistika Komitəsinin sədri, üzvləri isə sədrin birinci müavinləri və müavinlər, Naxçıvan Muxtar Respublikası Dövlət Statistika Komitəsinin sədri, Dövlət Statistika Komitəsi Aparatının rəhbəri, Aparatın Statistika işlərinin əlaqələndirilməsi və strateji planlaşdırma, İnformasiya və ictimaiyyətlə əlaqələr, Milli hesablar və makroiqtisadi göstəricilər statistikası, Sosial statistika şöbələrinin müdirləri və Dövlət Statistika Komitəsinin Elmi-Tədqiqat və Statistik İnnovasiyalar Mərkəzinin direktoru ola bilərlər.
Bölmənin digər xəbərləri
