Dünya üzrə göllərin ümumi həcmi hesablanıb
Bakı, 16 dekabr, AZƏRTAC
Kanadanın Makqil Universitetinin alimləri dünya göllərində yığılan su ehtiyatlarının həcmini qiymətləndiriblər.
AZƏRTAC lenta.ru saytına istinadən xəbər verir ki, araşdırma “Nature Communications” jurnalında dərc olunub. Bütün dünyada mövcud olan 1,4 milyon xırda gölün ərazisi 10 hektardan (14 futbol meydançası) artıqdır. Bu su mənbələri 180 min kubkilometr su verir.
Su ehtiyatlarının 85 faizi isə dünya üzrə 10 ən böyük gölün payına düşür. Göllər daha çox Kanadada (həcminə görə 62 faiz) təxminən on min il öncə buzlaqların əriməsi nəticəsində yaranıb. Göllərin ümumi sahil xətti (yeddi milyon kilometr) Dünya okeanından dörd dəfə, Ay ilə Yer arasındakı məsafədən isə on dəfə çoxdur. Əgər təbii su ehtiyatları planetin səthində bərabər paylansaydı, onda su təbəqəsinin qalınlığı 1,3 metr təşkil edərdi.
Alimlər peykdən alınan məlumatların kompüter analizini apararaq bu qənaətə gəliblər.
Bölmənin digər xəbərləri
