Dünyanın ilk tanker-muzeyinin könüllülərinə məzun sertifikatı verilib
Bakı, 3 aprel, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) “Suraxanı” gəmi-muzeyində üç aylıq təcrübə proqramını uğurla başa vuran növbəti qrup könüllüyə məzun sertifikatı təqdim edilib.
ASCO-dan AZƏRTAC-a bildirilib ki, proqram çərçivəsində könüllülər muzeyin ekspozisiya, araşdırma və xüsusi layihələrin icrası sahələrində yaxından iştirak ediblər. Dünyanın ilk tanker-muzeyində gənclərə bələdçiliklə yanaşı, mühasibatlıq və informasiya texnologiyaları sahəsində bilik və bacarıqlarını artırmaq üçün də imkan yaradılıb.
Qeyd edək ki, könüllülük proqramı ASCO-nun “Suraxanı” gəmi-muzeyi və “Gənc Könüllülər” İctimai Birliyi arasında imzalanmış memoranduma əsasən həyata keçirilir. Bu memorandum könüllülük sahəsində əməkdaşlığın inkişafı, könüllü fəaliyyətinin genişləndirilməsi, könüllülərin hazırlanmasında təcrübə mübadiləsi məqsədi daşıyır.
Bölmənin digər xəbərləri
