Düşərgə iştirakçısı: Övladlarımız burada yeni bilik və bacarıqlar öyrəndilər
Bakı, 14 mart, AZƏRTAC
Bu gün Ailə, Qadın və Uşaq Problemləri üzrə Dövlət Komitəsinin dəstəyi ilə uşaqlar üçün yaradılan belə şərait hər birimiz tərəfindən böyük rəğbətlə qarşılanır. Övladlarımız burada yeni bilik və bacarıqlar öyrəndilər.
Bu sözləri AZƏRTAC-a martın 14-də Ailə, Qadın və Uşaq Problemləri üzrə Dövlət Komitəsi tərəfindən “Xəzri” İstirahət və Sağlamlıq Mərkəzində Daun sindromlu uşaqlar üçün təşkil olunmuş 10 günlük yaz düşərgəsinin bağlanış mərasimində nəvəsi ilə birlikdə iştirak edən Kəmalə Qocayeva açıqlamasında söyləyib.
O, nəvəsi Natiqlə birlikdə düşərgədə iştirak etdiyini və çox razı qaldığını bildirib: “Bu düşərgədə çox şey öyrəndik. Təlimçilər, psixoloqlar bizə çox kömək etdilər. Onlar bizə uşaqlarla necə düzgün rəftar etməyi öyrətdilər. İlk dəfə idi iştirak edirdik. Burada elə valideynlər var idi ki, artıq ikinci və üçüncü dəfə gəlmişdilər. Biz də istəyirik ki, bu düşərgə mütəmadi təşkil olunsun. Hər il belə imkan yaradılsın ki, bundan faydalana bilək. Bu düşərgələr valideynlər və uşaqlar üçün həm maarifləndirici, həm də sosial cəhətdən əhəmiyyətli platforma rolunu oynayır. Buna görə təşkilatçılara və dövlətimizə dərin təşəkkürümüzü bildiririk”.
Bölmənin digər xəbərləri
