Əfqan Nifti: Hazırda Cənubi Qafqaz regionunda böyük canlanma görürük
Vaşinqton, 23 oktyabr, AZƏRTAC
Biz hazırda regionda böyük canlanma görürük.
AZƏRTAC xəbər verir ki, bu sözləri Xəzər Siyasət Mərkəzinin Prezidenti Əfqan Nifti Vaşinqtonda “ABŞ Cənubi Qafqazda: Yeni strateji imkanların müəyyənləşdirilməsi” mövzusunda konfransda çıxışında deyib. O qeyd edib ki, nəhayət Cənubi Qafqaz vasitəsilə Mərkəzi Asiyanın qlobal bazara daha sərfəli şəkildə qoşula biləcəyini görmək üçün şans var.
“Beləliklə, bu sülh sazişi həm də bizim dostlarımızı, təkcə Qafqazı deyil, Mərkəzi Asiyanın bütün beş ölkəsini həyəcanlandırır. Nəhayət biz regionun bütün səkkiz ölkəsinin marağının eyni olduğunu görürük. İndi biz onların birlikdə edə biləcəyi məsələ haqqında danışa bilərik. Burada onlar xariclə ticarətlərini sərbəst şəkildə tarazlaşdıra bilərlər. Davam edən münaqişənin olması onlar üçün böyük problem idi. İndi bu, aradan qalxdığına görə bölgəyə gəlmək istəyən və müqavilələr bağlamağa çalışan bir çox xarici oyunçunun olduğunun da şahidiyik.
Körfəz ölkələri, Koreya, Yaponiya və başqaları bu regionda necə yerləşə biləcəklərini götür-qoy edirlər. Bu proseslər regionun qlobal bazarlarla tam əlaqədə olması istiqamətində irəliyə doğru daha böyük addımdır”, - deyə o vurğulayıb.
AZƏRTAC-ın xüsusi müxbiri
Vaşinqton
Bölmənin digər xəbərləri
