ƏFQANISTANDA XAŞXAŞ ƏKİNLƏRİNİN SAHƏSİ AZALSA DA, NARKOTİK İSTEHSALININ SƏVİYYƏSİ YENƏ YÜKSƏKDİR

17.10.2005 [17:56]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, 2005-ci ildə Əfqanıstanda xaşxaş əkini sahələri bir qədər azalsa da, narkotik istehsalının səviyyəsi yenə yüksəkdir. Tacikistan Prezidenti yanında Narkotiklərə Nəzarət Agentliyinin başçısı general-mayor Rüstəm Nəzərov bildirmişdir ki, BMT-nin məlumatına görə, bu il təxminən 4100 ton xaşxaş məhsulu yığılmışdır, bundan isə 410 ton heroin istehsal etmək olar.

R.Nəzərovun sözlərinə görə, Əfqanıstanın Tacikistanla həmsərhəd əyalətlərində heroin istehsalı ilə məşğul olan 70-80 laboratoriya fəaliyyət göstərir. Lakin Əfqanıstan iqtidarının narkotiklərlə mübarizə sahəsində Tacikistan xidmətləri və beynəlxalq qüvvələr ilə sıx əməkdaşlıq etməsi xeyli nikbinlik yaradır.

Generalın sözlərinə görə, Tacikistan narkotiklərin yayılmasına qarşı mübarizədə MDB ölkələrində, habelə digər xarici dövlətlərdə olan həmkarları ilə qarşılıqlı fəaliyyəti möhkəmləndirir. Hazırda AFR, Böyük Britaniya, ABŞ, Fransa və digər ölkələrin polis nümayəndələri agentliklə daimi əsasda əməkdaşlıq edirlər. İlin əvvəlindən Tacikistanda güc bölmələri 3800 kiloqram narkotik maddə müsadirə etmişlər ki, bunun da yarısı heroindir.

ƏFQANISTANDA XAŞXAŞ ƏKİNLƏRİNİN SAHƏSİ AZALSA DA, NARKOTİK İSTEHSALININ SƏVİYYƏSİ YENƏ YÜKSƏKDİR

MÜƏLLİFLƏ ƏLAQƏ

Bölmənin digər xəbərləri