Ekologiya İdarəsində “Azərkosmos” ASC-nin nümayəndələri ilə görüş keçirilmişdir
Bakı, 22 fevral (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsində “Azərkosmos” Açıq Səhmdar Cəmiyyətinin nümayəndələri ilə görüş keçirilmişdir.
AZƏRTAC xəbər verir ki, görüşdə qonaqlara ekologiya idarəsinin fəaliyyəti və həyata keçirilən ekoloji layihələr barədə ətraflı məlumat verilmişdir.
Daha sonra ASC-nin nümayəndələri Azərbaycanın ilk kosmik peykinin uğurla orbitə buraxılması, peykin texniki imkanları, fəaliyyət dairəsi və peykin idarə olunması üçün yaradılmış kosmik məlumatların yerüstü qəbuledici kompleksinin funksional imkanları barədə məlumat vermişlər. Qeyd olunmuşdur ki, peyk texnologiyalarının inkişafı, xüsusilə də alçaq orbitli peyklərin orbitə çıxarılması gələcəkdə yeni elmi-texniki tədqiqatlara rəvac verəcək və bu da öz növbəsində məsafədən yerin öyrənilməsinə imkan yaradacaqdır.
Sonra iştirakçılar “Azərkosmos” ASC ilə əvvəlki görüşlərin nəticəsi olaraq pilot layihə ideyalarını müzakirə edərək görüləcək işlər barədə fikir mübadiləsi aparmışlar.
Tərəflər ekoloji tədqiqatların aparılması sahəsində peyk texnologiyalarının tətbiq imkanlarının müəyyənləşdirilməsi baxımından gələcəkdə birgə əməkdaşlıq imkanları barədə araşdırmaların davam etdirilməsini dəstəkləyirlər.
Bölmənin digər xəbərləri
