EKOLOGİYA MÖVZUSUNDA JURNALİSTLƏR ARASINDA KEÇİRİLƏN MÜSABİQƏNİN QALİBLƏRİ MÜKAFATLANDIRILMIŞDIR
Bakı, 3 iyun (AZƏRTAC). Ekologiya və Təbii Sərvətlər Nazirliyi (ETSN), Kütləvi İnformasiya Vasitələrinə Dövlət Dəstəyi Fondu və Mətbuat Şurası tərəfindən təşkli olunmuş “Ekologiya mövzusunu KİV-də işıqlandırılmasına dəstək birgə layihəsi çərçivəsində jurnalistlər arasında keçirilmiş müsabiqəsinin qalibləri açıqlanmışdır.
İyunun 3-də ETSN-nin Dünya Ətraf Mühit Gününün qeyd olunması münasibətilə təşkil etdiyi ağacəkmə aksiyasında qaliblərə mükafatlar təqdim edilmişdir.
“Təbii sərvətlərdən səmərəli istifadə” istiqamətində “Respublika” qəzetinin baş redaktorunun müavini Nərgiz Qurbanova birinci yerə layiq görülmüşdür.
Qeyd edək ki, müsabiqəyə ümumilikdə ekoloji vəziyyətin sağlamlaşdırılması, təbii sərvətlərdən səmərəli istifadə edilməsi, biomüxtəlifliyin mühafizəsi, təbiətdən davamlı istifadənin təmin olunması, təbliğ edilməsi, daha da inkişaf etdirilməsi və əhalinin məlumatlandırılması mövzularında 51 məqalə və 5 telesüjet təqdim olunmuşdur.
Bölmənin digər xəbərləri
