EKOLOGİYA VƏ TƏBİİ SƏRVƏTLƏR NAZİRLİYİ DƏNİZ DONANMALARINDA MONİTORİNQ KEÇİRMİŞDİR
Nazirliyin mətbuat xidmətindən AZƏRTAC-ın müxbirinə bildirmişlər ki, “Xəzərdənizneftdonanma” idarəsindən savayı, donanmaların əksər gəmilərində çirkabın idarə olunması sisteminin düzgün təşkil edilməməsi üzündən çirkab birbaşa dənizə tökülür.
Ekoloqlar dəniz akvatoriyasının çirklənməsinin digər mənbələri arasında xeyli sayda tamamilə batmış və yarıbatmış gəmilərin olduğunu bildirmişlər. Bakı buxtası ərazisində “Xəzərdənizneftdonanma”sının batmış 27 gəmisindən son 2 ildə cəmi 16-sı çıxarılaraq metal qırıntısı kimi təhvil verilmişdir. Hazırda dənizdə ümumi çəkisi 200 min ton olan 113 batmış gəmi var ki, bunların da 100-ü Bakı buxtasındadır.
Mətbuat xidmətindən onu da bildirmişlər ki, bu sahədə ekoloji qanunvericilik normalarına riayət etməyən yeganə təşkilat Dövlət Xəzər Dəniz Gəmiçiliyidir. Gəmiçilik tabeliyindəki gəmilərdə, körpülərdə və zavodlarda monitorinq aparmaq üçün ekoloqlara şərait yaratmışdır.
Bölmənin digər xəbərləri
