Ekologiya və Təbii Sərvətlər Nazirliyinin "Qaynar xətt"inə daxil olan şikayət araşdırılıb
Bakı, 21 dekabr, AZƏRTAC
Ekologiya və Təbii Sərvətlər Nazirliyinin "Qaynar xətt"inə Suraxanı rayonunun Qaraçuxur qəsəbəsi, mədən küçəsi 14 ünvanında fəaliyyət göstərən “S.Steel” MMC metaləritmə zavodundan atmosferə tullantı atılması ilə bağlı şikayət daxil olub. Nazirliyin əməkdaşları şikayəti yerində araşdırıb və monitorinq aparıblar.
Nazirliyin mətbuat xidmətindən AZƏRTAC-a bildiriblər ki, monitorinq zamanı havaya atılan tullantıların miqdarının normadan artıq olduğu müəyyənləşib.
Faktla bağlı zavodun direktoru Yalçın Əsədov barəsində akt, protokol tərtib edilib. Hazırda direktorun hüquqi şəxs qismində 12 min 500 manat məbləğində cərimə edilməsi üçün tədbirlər görülür.
Atmosferə tullantı atılmasının qarşısının alınması, müasir təmizləyici qurğu və avandanlıqların quraşdırılması məqsədilə zavoda müddətli məcburi göstəriş verilib.
Bölmənin digər xəbərləri
