EKOLOJİ MONİTORİNQ İŞLƏRİNİN ƏHATƏ DAİRƏSİ GENİŞLƏNİR
Bakı, 18 iyun (AZƏRTAC). ARDNŞ-in Ekologiya İdarəsi 2010-cu il mayın 3-də “Təmiz Şəhər” Açıq Səhmdar Cəmiyyəti (ASC) tərəfindən elan edilmiş tenderin qalibi elan olunmuşdur.
ARDNŞ-in mətbuat xidmətindən verilən məlumata görə, Ekologiya İdarəsi ilə “Təmiz Şəhər” ASC arasında bağlanmış müqaviləyə əsasən, Balaxanı şəhər tullantılarının zərərsizləşdirilməsi poliqonunun təyin olunmuş nöqtələrindən nümunələrin götürülməsi və analizlərin aparılması nəzərdə tutulur. Bu məqsədlə Ekologiya İdarəsinin monitorinq departamenti iyulun ortalarından Balaxanı şəhər tullantılarının zərərsizləşdirilməsi poliqonunda ekoloji monitorinq işlərinə başlamağı planlaşdırır. Ekoloji monitorinq zamanı verilmiş sifariş əsasında, mövcud təlimatlara və standartların tələbinə uyğun olaraq torpaq, hava, su nümunələri götürüləcəkdir. Onların tərkibindəki çirkləndirici maddələrin kəmiyyət, keyfiyyət göstəriciləri və digər parametrlərinin təyin olunması məqsədi ilə Ekologiya İdarəsinin kompleks tədqiqatlar laboratoriyasında müvafiq analizlər aparılacaqdır.
Bölmənin digər xəbərləri
