EKSON-AZƏRBAYCAN ŞİRKƏTİ MƏKTƏBLİLƏRİN EKOLOJİ BİLİKLƏRƏ YİYƏLƏNMƏLƏRİNƏ YARDIM GÖSTƏRİR
Şirkətin ictimaiyyətlə əlaqələr şöbəsindən AZƏRTAC-ın müxbirinə bildirmişlər ki, müsabiqədə ölkənin 15 rayonundan, o cümlədən Bakı, Sumqayıt, Qusar, Xaçmaz, Lənkəran və digər ərazilərdən olan məktəblilər iştirak edirlər. Müsabiqənin keçirilməsindən məqsəd şagirdlərin Xəzər haqqında biliklərini artırmaq, onlara dənizin ekologiyasına həssaslıq və qayğıkeşliklə yanaşmaq və onu qorumaq kimi xeyirxah vərdişlər aşılamaqdır.
Müsabiqəyə Xəzəryanı rayonlardan olan 1000-dən artıq məktəbin 5-11-ci sinif şagirdləri qatılacaqlar. Yer Günü ilə əlaqədar keçirilən bu tədbir aprelin 22-də sərgi və şənliklərlə başa çatacaqdır.
Xatırladaq ki, Ekson -Azərbaycan Əməliyyat Şirkəti bundan əvvəl də ekoloji təhsillə bağlı bu cür tədbirlər keçirmişdir.
Bölmənin digər xəbərləri
