Ekvadorun sabiq vitse-prezidenti Meksika səfirliyinə sığınıb
Bakı, 18 dekabr, AZƏRTAC
Ekvadorun sabiq vitse-prezidenti Xorxe Qlas korrupsiya təhqiqatı fonunda mümkün həbsindən ehtiyat edərək Meksikanın Kitodakı səfirliyinə sığınıb.
AZƏRTAC xəbər verir ki, bu barədə Meksika Xarici İşlər Nazirliyinin sosial şəbəkə hesabında yayımlanan bəyanatında deyilir.
“2023-cü il dekabrın 17-də Xorxe Qlas Espinel öz təhlükəsizliyi və azadlığından ehtiyatlanaraq Meksikanın Kitodakı səfirliyinə gəlib. Ekvadorun sabiq vitse-prezidenti sığınacaq istəyini rəsmiləşdirsə, Meksika hökuməti onu diqqətlə nəzərdən keçirəcək və müvafiq qərar qəbul etmək üçün lazımi məlumatları toplayacaq”, - deyə sənəddə bildirilir.
Ekvador Xarici İşlər Nazirliyi bir müddət öncə sabiq vitse-prezidentin ekstradisiyası üçün Meksika hakimiyyətinə sorğu göndərildiyini qeyd edib. Xorxe Qlas 2017-ci ildən 2022-ci ilədək korrupsiya maddəsi üzrə həbs cəzası çəkib.
Bölmənin digər xəbərləri
