“ƏL-QAİDƏ” İLƏ ƏLAQƏDƏ ŞÜBHƏLİ BİLİNƏN 200 NƏFƏR HƏBS OLUNMUŞDUR
“Əl-Qaidə”nin iki yüksək vəzifəli üzvünün həbsə alınmasını Pakistanın təhlükəsizlik idarələrinin son bir həftədə ən böyük nailiyyəti hesab etmək olar. Onlardan biri əslən Tanzaniyadan olan Əhməd Həlfan Qaylanidir. ABŞ-ın xüsusi xidmət idarələrinin məlumatına görə, Amerikanın Nayrobidəki (Keniya) və Dar-əs-Səlamdakı (Tanzaniya) səfirliklərində törədilmiş partlayışlar onun əməlidir. Həmin partlayışlar nəticəsində ABŞ vətəndaşları da daxil olmaqla, 200-dən çox adam ölmüşdür. “Əl-Qaidə”nin ələ keçirilən ikinci yüksək vəzifəli üzvü kompüter mütəxəssisi Məhəmməd Naim Nur Xandır. ABŞ-da terror aktlarına qarşı təhlükəsizlik tədbirlərinin daha da gücləndirilməsi üçün əsas məhz onun kompüterindəki diskə yazılan informasiya olmuşdur.
Bölmənin digər xəbərləri
