Əli Məmmədov: Qəbələ Beynəlxalq Musiqi Festivalı mədəniyyətimizin təbliği baxımından çox əhəmiyyətlidir
Bakı, 31 iyul, AZƏRTAC
Belə möhtəşəm mədəniyyət tədbirinin - XIII Qəbələ Beynəlxalq Musiqi Festivalının yüksək səviyyədə təşkil olunmasına görə Birinci vitse-prezident Mehriban xanım Əliyevaya, Heydər Əliyev Fonduna və digər təşkilatçılara təşəkkürümü bildirmək istəyirəm. Doğma ölkəmizdə çıxış etmək mənim üçün hər zaman qürurverici olub.
Bu sözləri Heydər Əliyev Fondunun təşkilatçılığı, Mədəniyyət Nazirliyinin dəstəyi ilə keçirilən XIII Qəbələ Beynəlxalq Musiqi Festivalının iştirakçısı, Prezident təqaüdçüsü, respublika və beynəlxalq müsabiqələr laureatı Əli Məmmədov AZƏRTAC-a açıqlamasında deyib.
ABŞ-da yaşayan istedadlı musiqiçi bildirib: “Həmişə deyirəm ki, Vətəndə çıxış etmək çox çətindir. Bakıdakı konsertlərdə çıxış etmək üçün daim böyük məmnuniyyətlə və sevinclə gəlirəm. Milli mədəniyyətimizin təşviqi, musiqimizin dünya səviyyəsində təbliği baxımından Qəbələ Beynəlxalq Musiqi Festivalı və bu kimi tədbirlərin təşkilinə görə çox şadam”.
Bölmənin digər xəbərləri
