ƏMƏK QABİLİYYƏTLİ ƏHALİNİN SAYI ARTIR

14.02.2006 [10:51]
Çap et
A⁺ A^-

Dövlət Sosial Müdafiə Fondundan (DSMF) AZƏRTAC-a verilən məlumata görə, hazırda ölkəmizdə pensiyaçıların sayı 1 milyon 360 min nəfərdir ki, bunun da 1 milyon 180 min nəfəri əmək pensiyaçılarıdır. Statistik məlumatlar göstərir ki, son dövrdə yaşa görə əmək pensiyaçılarının sayının artım sürəti aşağı düşür. Eləcə də, əlilliyə görə pensiyaya çıxanların say artımı son üç ildə iki dəfə aşağı düşmüşdür.

Hazırda ölkədə bir nəfər işləməyən əmək pensiyaçısına 1,4 nəfər uçotda olan sığortaolunan düşür və bu göstəricinin artırılması üçün DSMF tərəfindən həyata keçirilən tədbirlər nəticəsində uçotda olanların sayı keçən il ərzində təqribən 130 min nəfər artmış, ödənilən əmək haqlarının leqallaşdırılması dərəcəsi yüksəlmişdir. Təbii ki, bu göstəriciyə ölkəmizdə son dövrlər daim artan iş yerləri güclü təsir etmişdir.

ƏMƏK QABİLİYYƏTLİ ƏHALİNİN SAYI ARTIR

MÜƏLLİFLƏ ƏLAQƏ

Bölmənin digər xəbərləri