EMTA və EPDK arasında rəqəmsallaşma və elektrik şəbəkəsi qaydaları üzrə təcrübə mübadiləsi aparılıb
Bakı, 25 iyun, AZƏRTAC
Azərbaycan-Türkiyə IV Enerji Forumunun “Tənzimləmə” İşçi qrupunun 2025-2026-cı illər üzrə Forumlararası Fəaliyyət Planı çərçivəsində Enerji Məsələlərini Tənzimləmə Agentliyi (EMTA) və Türkiyənin Enerji Bazarını Tənzimləmə Qurumunun (Enerji Piyasası Düzenleme Kurumu – EPDK) mütəxəssisləri arasında yekun görüş baş tutub.
Agentlikdən AZƏRTAC-a bildirilib ki, onlayn formatda keçirilmiş görüşün başlanğıcında İşçi qrupun EMTA və EPDK-dan olan həmsədrləri Elmar Güləliyev və Mustafa Yavuzdemir müvafiq dövr ərzində qarşılıqlı məlumat və təcrübə mübadiləsinin aparıldığını bildiriblər. Keçirilən tədbirlərin hər iki qurum arasında əməkdaşlığa töhfə verdiyini qeyd ediblər.
Sonra EMTA-nın Enerji tənzimləmə və monitorinq departamentinin Enerji monitorinqi sektorunun böyük mütəxəssisi Vüqar Həşimov “Enerji sektorunda rəqəmsallaşma” və EMTA-nın Dövlət proqramları və strateji inkişaf şöbəsinin baş mütəxəssisi Sənan Abbasov “Elektrik şəbəkəsinə dair Qaydalar: EMTA-nın rolu” mövzusunda təqdimatlarla çıxış ediblər.
Görüş sual-cavab sessiyası ilə başa çatıb.
Bölmənin digər xəbərləri
